RENUNGAN

RENUNGAN (2 TIMOTEUS 2 : 1-7)  "TIADA KEBAHAGIAAN TANPA PENDERITAAN"

Sebab itu, hai anakku jadilah kuat oleh kasih karunia dalam Kristus Yesus. Apa yang telah engkau dengar dari padaku di depan banyak saksi, percayakanlah itu kepada orang-orang yang dapat dipercayai, yang juga cakap mengajar orang lain. Ikutlah menderita sebagai seorang prajurit yang baik dari Kristus Yesus. Seorang prajurit yang sedang berjuang tidak memusingkan dirinya dengan soal-soal penghidupannya, supaya dengan demikian ia berkenan kepada komandannya. Seorang olahragawan hanya dapat memperoleh mahkota sebagai juara, apabila ia bertanding menurut peraturan-peraturan olahraga. Seorang petani yang bekerja keras haruslah yang pertama menikmati hasil usahanya. Perhatikanlah apa yang kukatakan, Tuhan akan memberi kepadamu pengertian dalam segala sesuatu.

Andorang so tatangkasi turpukon hupatorang majo taringot si Timoteus : Si Timoteus, i ma sahalak peranakan Gorik dohot Jahudi, amana halak Gorik, inana halak Jahudi na margoar Eunike. Nang pe bajar dope si Timoteus nunga tarbarita goarna ditongatonga ni halak Kristen uju i, digoari do si Timoteus “anak na tubu di haporseaon”. Inganan pangulaon ni si Timoteus di Epesus, kota penghubung ni Timur tu Barat, kota na ummora di Asia na metmet di tingki i. Hariburon ni kota mambahen Marungkil huria i ala parange ni jolma na gok halumlamon. Jala dipanghilalahon si Paulus borat ni parungkilon na niadopan ni si Timoteus di huria Epesus. Alani ma dipasahat surat on jala didok tu ibana, “On pe ale anaha margogo ma ho marhitehite Tuhan Jesus Kristus”, di turpuk on diajari si Timoteus asa mangulahon Hata ni Debata marhite na manghangoluhon rumang pargoluon ni soldadu (prajurit), parsiadu (olah ragawan) dohot parhauma. I ma sipahusorhusoronta sian turpuk on. 

1.Hobas dibagasan haunduhon songon sordadu. Diajari si Timoteus manghangoluhon haunduhon ni soldadu laho mangadopi parungkilon i, Ndang arta portibi na manggohi roha ni sordalu umbahen hobas, ndada ala mamereng arta ibana umbahen hobas tu parporangan, ala hasatiaon, haunduhon tu na marsuru ibana do umbahen hobas sordalu borhat tu parporangan. Ndang laho rohana tu pandaraman, ala pos rohana tu na marsuru ibana manarihon ngoluna. Haunduhon dohot hasatiaonna tu na marsuru ibana mangalehon tu rohana hahobason. Sai tongtong do hobas angka soldadu (siap tempur menghadapi segala kemungkinan), atik tung tompu ro musu manosak. Parngoluon na songon i ma dipangido sian halak Kristen (Hobas, Unduk/Satia marhite na ro tu Kebaktian Minggu, Partangiangan, Punguan Pamujian. Ingkon pos roha tu Jesus, na manuanhon hasatiaon, hahobason dohot haunduhon laho mangadopi tantangan/parungkilon. Jotjot do hita mabiar jala ganggu ala pambibiari ni portibi on. Mabiar tu na so taida dohot na so taboto songon dia rumang ni sihabiaran, mabiar hita mardalan borngin, mabiar hita ala tabereng di TV angka na jorbut, ganggu hita di huaso ni Tuhan i molo manosak parungkilon. Di parungkilon na songon i didok jamita on, “Badai pasti berlalu”. Jamita on paingothon, pos rohana di Tuhan i. Bolong ma sian hita biar, ala nunga didok tu hita, “Sai na dongananku do hamu ganup ari, rasirasa ro ajal ni hasiangan on!”, (Mat.28, 20b). Ala anak ni Debata do hita, dilehon do tu hita jaminan ni pandonganionNa asal ma pos rohanta di Ibana. Molo marungkilon hita taboto ma : Badai pasti berlalu. 

2.Benget songon olahragawan. Tamba ni hahobason dohot pos ni roha, ingkon mangolu ni halak Kristen habengeton na marpangoloin songon parsiadu, benget jala unduk do angka olahragawan mangoloi latihan na niaturhon ni pelatih, sai dipasahat do tu na monang/juara, mahkota, piala, medali. Asa boi dapot mahkota, ingkon tekun, benget jala disiplin ibana mangoloi pelatih, angka na benget i do na manjalo tumpal hamonangan. Ndang tagamon so ro parungkilon tu angka na mangihuthon Kristus, alani ringkot adong habengeton, adong habengeton i ala nunga binereng di jolo tumpal hamonangan i, tubu habengeton molo pos roha di sihirimon. Angka na sahat tu las ni roha, i ma na benget manaon haporsuhon, na dohot marlas ni roha i ma na manghamonangkon parungkilon i, na marsihohot manghaposi Tuhan i dibagasan habengeton, monang ala benget manaon parungkilon i, songon Kristus na mamolus sitaonon laho bongot tu hasangaponNa, songon i do na porsea i ingkon bolusonna sitaonon asa bongot tu las ni roha, (Joh. 15:20 “Marsak do anggo rohamuna, alai muba ma arsak ni rohamuna gabe las niroha”). Ingkon barani na porsea i berjuang mangadopi na hansit i ala manghirim di las ni roha d balik ni parungkilon i. (Motto ; Tiada kebahagiaan tanpa penderitaan). Benget manaon ala pos roha na marhuaso do Tuhan i paujungkon parungkilon i. Ndang boi so ro parungkilon alani ingkon benget ma hita Marsiajar/Marsikkola asa unag hatinggalan, benget marianakkon, benget mansari ngolu-ngolu dohot na sing ai sude nai halojaon do, songon i ma hebengeton diigil jamita on sian na porsea.

 3.Ringgas songon parhauma. Ala manghirim di parbue ni ma niulana, ringgas do parhauma patureture haumana, dipatongon aek asa unang mahiang, diatur godang ni aek asa unang pa aekhu, dibutbuti angka duhut na tubu di holangholang ni eme i, jala di pamate angka gulok, bagudung na mangharati batang ni eme i. Loja do parhauma patureture haumana asa denggan tapuonna parbue ni haumana i. Tudos tusi ma rumang parngoluon na mangihuthon Kristus i, alai ringgas mangula. Torop sian halak Kristen, gabe gale mangula ala mangadapi perungkilon. Alani disosoi si Paulus si Timoteus asa ringgas mangula songon parhauma i. Ditongatonga ni ulaon ni si Paulus na mamaritahon barita na uli, mangula do ibana asa unang gabe boban di ruas ni huria i / di na asing. Marhite pangulaon ni jolma i do dilehon Tuhan i naringkot di jolma, marhite na niula ni tangan ni jolma i do dipasahat Tuhan i pasupasuNa. I do na nidok si si Paulus, “Na so ra mangula unang ma ibana mangan”. Ndang tama na so mangula mangan ai so diula ulaonna na gabe sumber kebutuhanna. Na marlapatan molo adong na so olo mangula hape naeng mangan, ima jolma na mangarampok parbue ulaon ni donganna. (Mengemis, mangamen, premanisme, mangompas dohot ulaon na asing). Marhite jamita on disunguli asa unang maninggalhon ulaonna ale taparinggas mangula, ai marhite na mangula i do disarihon Debata ngolana, molo gabe pasu-pasu jolma i didonganna i do hasangapon di Debata. Angka na losok, mura-mura manarita, mambuat aha na nidongan, disuru marsiajar tu porhis, mahluk na so hea so, na bervisi masa depan, ai diparade bohalna tu ari marsogot (Poda 6:6 “Ale sigurbak ulu marsiajar tu porhis, parate-atehon angka dalanna asa marbisuk ho”). Godang do halak batak naung sarjana di jakarta / dipangarantoanna mamora nang pe martempel ban, manjual surat kabar, pemulung boi do mamora ala dang olo manganggur ale ringga mangula, semangat kerja na tinggi gabe disarihon Tuhan i ngolu ni jolma i. 

PANIMPULI : ASA HOBAS HITA, MARPOSNIROHA TU DEBATA, BENGET, RINGGAS JALA MANGHIRIM AI DI UJUNGNA DAPOT LASNIROHA MARHITE SIAN NA MANGULAHON HATA NI DEBATA, (TIADA KEBAHAGIAAN TANPA PENDERITAAN). AMEN